MacOS ushın qaraqalpaqsha klaviatura, latın hám kirill álipbelerdi óz ishine alǵan
Releases bólimine kirip eń aqırǵı relizdegi qqkeyboard-mac.zip faylın kompyuterińizge júklep alıń hám zip fayldı "ashıń". Nátiyjede sizde qaraqalpaq-flag.icns hám qqkeyboard-mac faylları payda boladı.
MacOS'ke biz qosayın dep atırǵan klaviatura sistemada "kóriniwi" ushın, olardı bir belgili papkaǵa kóshiriw kerek. Yaǵnıy joqarıdaǵı qaraqalpaq-flag.icns hám qqkeyboard-mac faylların /Library/Keyboard Layouts degen papkaǵa kóshiriwińiz kerek.
MacOS sistemalıq sazlawlarında (System Preferences) Klaviatura (Keyboard) bólimin ashıń hám ol jerde Input sources degendi saylań:
Tómengi shep múyeshtegi + knopkasın bassańız, qosiwǵa múmkin bolǵan álipbeler dizimi shıǵadı, ol jerden Kara-Kalpak degendi tawıp alıń hám ózińizge kerek álipbeni (kirill ya latın) qosıń.
Háriplerdiń jaylasıwı standart latın klaviaturaǵa tiykarlanǵan, qosımsha háriplerdi shıǵarıw ushın Option (Alt) knopkasın basıp turıw arqalı erisiledi. Yaǵnıy á háribin shıǵarıw ushın Option kopkanı uslap turıp a knopkasın basasız:
| Hárip | Kombinaciya |
| á | Option + a |
| ı | Option + i |
| ǵ | Option + g |
| ń | Option + n |
| ó | Option + o |
| ú | Option + u |
Kirill álipbesine tiykarlanǵan klaviatura standart orıs tiline tiykarlanǵan klaviaturadan ózgeshe. Yaǵnıy, bul jerdegi kirill klaviaturası latın álipbesiniń transliteraciya qılınǵan variantı desekte boladı. Bul degeni, standart latın klaviatura joqarǵı qatarı QWERTY dep baslansa, kirillshe klaviatura hám ҚЎЕРТЙ dep baslanadı:
Qosımsha háriplerdi qosıw kombinaciyası:
| Hárip | Kombinaciya |
| ә | Option + а |
| ы | Option + и |
| ғ | Option + г |
| ң | Option + н |
| ө | Option + о |
| ү | Option + у |
| ш | Option + с |
| щ | Option + ҳ |
| ч | Option + ц |
| э | Option + е |
| ю | Option + ў |
| я | Option + й |
| ь | Option + , |
| ъ | Option + . |